2. Adjectif
3. Autres
4. Lexique
5. Locution
6. Nom propre
7. Substantif et adjectif masculin
8. Substantif féminin
9. Substantif masculin
10. Substantif masculin ou féminin
11. Verbe

1. Par ordre alphabétique
2. Par noms d'auteurs
3. Par thèmes
4. Par ordre chronologique

1. 3 320 membres inscrits
2. 1 008 articles et documents
3. 2 490 messages (forums)

   ---

4. 33303 visites depuis 11/07/2019

Le jeudi jour .XX et VII⁽¹⁾. de novembre,
L'an .M.CCC. IIII^XX. et puis deux,
Ot des François le droit chief et maint membre,
Charles le roy, qui tant fut courageux,
      En Flandres noble compaigne⁽²⁾
A Rosebech, en une haulte plaine,
Ou Artevelle fut a touz ses Flamens,
Quarante mil, la vit on mainte enseigne,
Qui desconfis furent en pou de temps.

Regner vouloit le peuple foible et tendre^(a) ;
A leur conte furent fel et crueux,
Quant son pais ne lui vouloient rendre,
Dont hors l'ont mis les villains oultrageux.
      Le roy y porta s'enseingne
A .XIIII. ans, la fait qu'en sang se taingne
Son oriflambe^(b) encontre ceuls de Gans ;
A l'assembler d'eulx rougist la montaigne.
Qui desconfiz furent en pou de temps.

Berry, Bourgoingne y fut, dont je me membre,^(c)
Bourbon, Marche en Flandres, Bloys et Euvreux,
Saint Poul, Coucy, l'admiral avec eulx,
... ... ... ... ... ... ... ... ... ... ⁽³⁾
      Sancerre et ceuls de Bretaingne,
Longueville, Picardie et Champaigne,
Sannié, Beauvez, Dampmartin, les Normans ;
.XXV^m. Flamens sont mors a paine,
Qui desconfis furent en po de temps.

La Conversant et Ribedieu, puis prandre
Conte Daulphin et Porcien entreulx,
Delabreth, puis a Harecourt descendre,
Tonnerre y fut, Brayne, Grantpré, touz ceulx
      Et maint autre chevetaine
Avec le roy, Laval. Chascun se paine
De lui servir, Chalon et autres gens,
Sempy, Torsy, chascun Flamens mehaingne^(d),
Qui desconfiz furent en pou de temps.

Je ne puis pas en cinq vers^(e) tout comprandre,
Ne denommer les haulx cuers vertueux,
Auxquelz on doit gloire et victoire rendre.
J'escrips les chiefs pour le renom d'iceulx ;
      Mais tant vueil je bien qu'om taingne^(f)
Que le lion d'argent sur roge graine,
Les mareschaulx, ceulx qui furent chassans,
Ont plus d'armes fait sur la gent villaine,
Qui desconfiz furent en pou de temps.

L'ENVOY

Princes vaillans, bien peri a l'entreprandre,
Que leur orgueil avez tost fait descendre,
Voz ennemis combatuz sur les champs,
Yppre, Bruges, Courtray et Gand fait rendre.
Ne prisiez plus les Flamens ne que cendre,
Qui desconfiz furent en pou de temps.

Notes

*Publiée par Tarbé, tome I, p. 60.

(1). XXVII^e.

(2). compaignie.

(3). vers passé.

(a). Débile, impuissant.

(b). Oriflamme.

(c). Souviens.

(d). Maltraite.

(e). Strophes.

(f). Qu'on tienne.