1. Adjectif
  2. Autres
  3. Lexique
  4. Locution
  5. Nom propre
  6. Substantif et adjectif masculin
  7. Substantif féminin
  8. Substantif masculin
  9. Substantif masculin ou féminin
  10. Verbe
  1. Par ordre alphabétique
  2. Par noms d'auteurs
  3. Par thèmes
  4. Par ordre chronologique
Statistiques
  1. 3 315 membres inscrits
  2. 1 008 articles et documents
  3. 2 490 messages (forums)
  4. 26076 visites depuis 15/03/2017
Advertissemens receus de Vienne en Austriche
Touchant l'election de Monseigneur le Duc d'Anjou pour estre Roy de Polongne

Rigaud (Benoit) Droit et justice - Texte intégrale

XVIe siècle


ADVERTISEMENS
RECEUS
De Vienne en Austriche.
 
Touchant l’élection de Monseigneur le Duc d’Anjou
pour estre Roy de Polongne.
 
A LYON,
PAR BENOIST RIGAUD.
1573
Avec permission(1).
 
 
 
 
 
ADVERTISSEMENS Recues de Vienne en Austriche, du vingtieme de May 1573.
 
 
      Nous avons receu lettres de Versouje, touchant l’election de mon Seigneur le Duc d'Anjou au Royaume de Poulongne, comme le Samedy qui fut le neufieme de ce moys, estant le parlement assemblé, & toutes les voix des Palatins cueillies : voyant que du premier coup treze d'iceux, avec toutes leurs noblesses, avoyent vivement donné leurs voix au Duc d'Anjou, les autres y accorderent, & n'y eut concurrence d'autres pretendans que celuy Desnesse, & le prince Erneste.
 
      Le Moscovite n'y eut presque aucune part, & l'election fust bien tost resoluë, par ce que tous coururent à la part dudit Seigneur Duc d'Anjou : ayans entendu de tous costés la magnanimité, prouesse, & félicité de ce Prince, & ses humains & benings desportemens à l'endroict des Protestans de France, combien qu'il soit Prince fort Chrestien & bon Catholique : & à la vérité ceste election tient de la divinité, puis qu’une multitude si innumerable, divisee de religions & factions n'est venue aux mains comme l'on avoit pensé qu'elle d'eust faire.
 
      Ceste election fut signee & approuvee en deux jours par trante & quatre (2) mille nobles, & en après de tout le reste.
 
      Le douzième il fut proclamé roy. Ceux de Lytuanie ne l'empeschoyent pas, mais ils ne vouloyent se signer si par mesme moyen on ne publioit pour Royne la serenissime Infante.  La chose fust accommodee, & tous unanimement & d'accort firent l’election & publication.
 
       Ce nest pas de merveille si l’on n'a eu par le menu tout ce qui s'est passé en celle election, par ce qu'on n'a eu autre advis depuis celuy que receut Langent maistre des postes de Polongne, sinon par un Gentilhomme de l’Ambassadeur de l'Empereur qui apporta la confirmation de l'election à sa Majesté, & aujourd'huy à Midy est passé le seigneur Alexandre domestique du Cardinal Commodon qui s'en va droit à Rome.
 
      L'Empereur comme Prince tres prudent, s'est resiovy avec monsieur de Vulcon Agent pour fa Maiesté Treschrestienne, luy ayant faict entendre qu'il estoit tresaise de cette election, par ce qu'outre ce qu'il est amy & bon parent d'un nouveau Roy, il esperoit davantage de luy estre bon voisin.
 
      Le bruit qui avoit couru qu'il se faisoit quelque nombre de Cavalerie pour ladite election sera réduit à neant d'autant que l’on croit que ce Prince ne voudra commencer à faire guerre en aucune sorte.
 
      Il semble qu'en ceste court on n'aye pas grand contentement des actions du Cardinal Commodon, estimant qu'il aye favorisé l'election de ce nouveau Roy : toutesfois pour estre (3)  cogneu homme entier & debonnaire, il s'excuse, disant qu'il n’a de rien excédé la volonté du Pape.
 
      On dit que le Seigneur Albert l’Aschy à bien favorisé ceste election.
 
      J'ay veu lettres qui certifient que Monsieur le Duc d'Anjou a esté creé Roy & l'Infante Royne.
 
 
FIN
 
 
Notes de Citadelle
 
La transcription du texte a été effectuée par François-Xavier Féghali.
 
(1) Noté à la main sur le manuscrit : 20 May 1573.
 
(2) Le terme quatre est répété deux fois. Une fois en fin de page et repris une fois en début de page suivante.
 
(3) Le terme estre est répété deux fois. Une fois en fin de page et repris une fois en début de page suivante.


Accès au forums

Identifiant
Mot de passe
  1. Perdu votre mot de passe ?
  2. Pour vous inscrire aux forums